El Correo
Athletic Club

futbola

Athleticek 12.000 euro eman dizkio Ibilaldiari

Villanovenseren aurkako partidan bildu zuen diru kopurua eman dio Athleticek Ibilaldiari.
Villanovenseren aurkako partidan bildu zuen diru kopurua eman dio Athleticek Ibilaldiari. / LUIS ÁNGEL GÓMEZ
  • Bilbao Athleticek Villanovenseren aurka jokatu zuen partidan bildu zen diru kopurua Bilbon ospatu zen festara zuzendu du talde zurigorriak dohaintza moduan

Athleticek 12.675 euroko dohaintza eman dio Ibilaldiari. Talde zurigorriak aurreratu zuen moduan, Bilbao Athleticek Villanovenseren aurka San Mamesen jokatu zuen partidan bildutako diru kopurua Bizkaiko ikastolen festara bideratu du. Zigandaren mutilek maiatzeko azken asteburuan jokatu zuten Bigarren Mailara igotzeko bigarren partida, Villanovenseren aurka (2-0). Emaitza horri esker, zurigorriek aurrera egin zuten, eta UCAM Murtzia gailendu beharko dute azkeneko kanporaketara iristeko. Joan den larunbatean ospatu zen joaneko partidan, Bilbao Athleticek 1-0 irabazi zuen, Sabin Merinoren golari esker.

Bestalde, Ibilaldiak Bizkaian duen sustraitzearen froga berri bat da keinu hau. Bizkaiko ikastolen festak, Harrobia zentroak antolatuta, 150.000 pertsona bildu zituen gutxi gorabehera. Aurtengo edizioak lanbide heziketan euskara bultzatzea zuen helburu nagusia; izan ere, oso ahula da euskal hizkuntzak bertan duen presentzia.