Borrar
Milaka pertsona gerturatu ziren atzo Bilboko Udaletxera.
Herri baten harrotasuna
athletic

Herri baten harrotasuna

Zale zurigorriek Bilbon eta Bizkaian utzi dituzten irudiek ondorengo belaunaldiak elikatuko dituzte, beste titulu bat lortzeko goseak izugarri gora egingo duen bitartean

i. crespo

Martes, 18 de agosto 2015, 22:41

Necesitas ser suscriptor para acceder a esta funcionalidad.

Compartir

Adrenalinak izugarrizko atxikimendua sortzen du, gazteengan batez ere. 31 urtetik beherakoek ez zuten inoiz Athletic txapeldun bat ikusi. Futbolari zurigorrien garaikur altxatzeak telebistan edo argazkien bidez ezagutu zituzten bakarrik. Eta 40 urte ingurukoek oroipen zehaztugabeak zituzten, lainoan murgilduta egongo balira bezala. Baina Bilbo zurigorriz margotzeko parada izan zuten atzo berriro ere, hiru hamarkaden ostean. Ahaztezinak izango dira bildutako irudiak, eta geldiezin bilakatuko da euren arrakasta lortzeko gosea.

"Titulu honek Athleticen etorkizuna bermatzen du, bi belaunaldiz gutxienez", adierazi zuen Unai Rementeriak ospakizun betean. Tituluek baino, harrotasunak mantentzen du zaleen bizia. Egia da garaipenek ezinbesteko laguntza ematen dutela, baina harrotasuna da Athletic bultzatzen duena. Eta joan den astelehenean lortutakoak jokalarien eta ikusleen gosea handituko du zeharo.

Bartzelonaren aurka San Mamesen eskuratutako garaipen handiak (4-0 joan den ostiralean) nabarmen utzi Athleticen borrero astuna ez dela betierekoa. Eta horrek zurigorriak bultzatuko ditu Kopa bizi handiz bilatzera. 31 urteko lehorteak ez du atzera begiratzeko ohiturarekin amaitzen bakarrik, etorkizunera begirada ausarta bidaltzeko adorea emango diote jokalariei, zaleei eta harrobian dauden gazteei. Amaitu da lehorte luzea. Eta hasi da itxoitera zigortura zirudien belanualdiaren aroa.

Reporta un error en esta noticia

* Campos obligatorios